Poslovne vesti - Makedonija

Светска банка одобри 70,9 милиони долари за патна мрежа

Светска банка го одобри кредитот во износ од 70,9 милиони долари за Проектот за рехабилитација на магистрални и регионални патишта за Македонија. Со овој проект треба да се подобри поврзаноста на избрани магистрални и регионални патишта, пред се' коридорите 10 и 8, како и да се зајакнат капацитетите на Јавното претпријатие за државни патишта за прашањата за безбедност на патиштата и отпорност кон климатските промени.

„Македонија е особено зависна од добро развиена транспортна мрежа за нејзиниот економски и социјален развој“, објаснува Татјана Проскурјакова, директор на Канцеларијата на Светска банка во Скопје.

Подобрената патна мрежа ќе придонесе за намалување на сиромаштијата преку обезбедување подобар пристап до пазарот на труд и социјалните услуги за руралното население. Како што се наведува во соопштението од Светска банка, рехабилитацијата на патиштата ќе придонесе кон подобра поврзаност и побезбедно патување во областите надвор од Скопје, каде што живеат околу 1,2 милиони жители.

Заемот од 70,9 милиони долари е издаден од Меѓународната банка за обнова и развој - ЕБОР, со 23 години достасување и со 6 години грејс-период. Ова е втор проект за патен транспорт кој во моментов го финансира Светска банка во Македонија.